reCAPTCHA الذكاء الاصطناعي في

!تطور غير مسبوق في تحليل صور ونصوص التحقق

May 08, 2024

صباح الخير,

أًصبحنا وأصبح الملك لله، والحمدلله لا اله الا الله وحدة لا شريك له الملك وله الحمد وهو على كل شيءٍ قدير.

;(قنديل كل البريد اللي يهمك وزيادة)Qandil

CAPTCHA

هو اختبار مصمم لتحديد اذا كان المستخدم عبارة عن انسان او روبوت (مب حيوان) طبعاً كلمة CAPTCHA هي اختصار:

‏Completely Automated Public Turing test to Computers and Humans Apart

الاختصار طويل ندري 🏃🏻غالباً تحصل الاختبار هذا اذا جيت تسوي حساب جديد او جيت تدفع فلوس او اي وسيله تحتاج تأمين هوية المستخدم وأكيد قد مرت عليكم.

ميزتها انها على طول اول ماتشتبه ان المستخدم روبوت بتبلكه للأبد من الصفحة.

ReCAPTCHA

الreCAPTCHA هي بديلة للCAPTCHA، طوروها باحثين من ‏Carnegie Mellon University عام 2009، طبعاً الreCAPTCHA اختباراتها اقوى واصعب من الCAPTCHA ، حيثreCAPTCHA تحتوي على صور لنصوص وأشكال من كتب أو رسمات صعبت على الروبوتات نجاحهم بالاختبارات، لكن بعد ماقوقل ساعدتهم في تطوير النموذج، صارت اغلب الصور هي صور من الواقع، صارت الصور ممكن علامة STOP او اسماء شوارع او سياكل او سيارات والخ.

هذا الشيء صعب الموضوع على الروبوتات حتى مابدأت نهضة الذكاء الاصطناعي.

كيف دخل الذكاء الاصطناعي على CAPTCHA و reCAPTCHA

لما المستخدمين يحلون الصور والنصوص الصعبة الي تنحط لهم كاختبارات للتوثيق هذي بمثابة غذاء لبرامج الذكاء الاصطناعي بحيث انهم راح ياخذون البيانات ويستفيدون كيف يحلونها مستقبلاً، بشكل عام برامج الكمبيوتر صعب انها تحدد الأجسام والحروف اذا حطيناهم بصياغات مختلفة، لأن تقدر تصيغهم الى مالا نهاية، مثل اشارة STOP حمراء وحروف بيضاء.

البرنامج يقدر يتعرف على أبعاد الاشارة والكلمة، لكن تقدر تغير هذا الشي من خلال الاضاءة أو زاوية التصوي، لكن باستخدام المشين ليرننق ML برامج الAI تقدر تتخطى هالمشاكل لأن المبرمج راح يغذي البرنامج حقه بأمثلة على أبعاد الأجسام المختلفة على سبيل المثال:

علامة STOP المبرمج راح يعطي البرنامج صور مختلفة بأبعاد واضاءات مختلفة لعلامة الSTOP وبيعطيه صور ثانيه بعد مافيها STOP وبكذا يقدر يمرن برنامجه على التعرف على العلامة مهما كانت أبعادها أو ألوانها، طبعاً هذي نسميها عملية تغذية البيانات.

والان أكيد لاحظتوا ان نماذج الاختبارات حقت التأكيد تصير أصعب وأصعب وهذا بسبب ان الذكاء الاصطناعي قاعد يتطو، مثل تويتر صار يطلب منك تركب الأشكال ١٠ مرات متتالية ويروح أغلب وقتك تحاول تركب الأشكال الغير واضحة وطبعاً فضاءها ماله نهاية.

ف الله يعين مب عارفين لوين ممكن يوصل الوضع محد مبتلش يحل بهالنماذج الا المستخدم البشري🏃🏻.

اليوم الاربعاء 8 مايو ورشة عمل مشروع التخرج! 🤩

راح تكون على فترتين عشان الكل يستفيد 👏🏻

بتقديم أ عبدالملك حضورياً في قاعة 3050 ✨ وبتقديم أ شموخ عن بعد على تيمز ✨

هذي الورش هي رهاننا هذي السنة وهذا الترم، بتستفيد منها بحول الله سواء كنت منزل مشروع التخرج وقطعت جزء من المشوار أو مازلت في المستوى الأول لإن المعلومات اللي فيها والمحتوى مخخختلف واشتغلوا عليه الفريق من فترة طويلة وبتقديم ناس مبدعة ❤️❤️

وبتكون أكيد فيه شهادة حضور للرهيبين اللي بيحضرون ✅

الحاضر يعلللللم الغاااايب 📣